లీడర్ మూవీ బానే ఉందని ఎవరో అన్నారు పొద్దున్న…శేఖర్ కమ్ముల మార్క్ మ్యూజిక్ expect చేస్తూ, ఇంటర్నెట్ లో ఈ పాట విన్నాను..ఎందుకో ఎక్కడో చిన్న బాధ…ఒక ఆవేశం, కళ్ళకో చెమ్మ వచ్చేంత తెలీని ఫీలింగ్…ఒక సారి శంకరంబాడి ని స్మరించుకోవాలి అనిపించి ఈ బ్లాగ్ రాస్తున్నాను…పక్కనే ఎవరో ఇదేదో చాల పాత మూవీ లోంచి remix చేసినట్టునారు అని అడిగారు…మన దౌర్భాగ్యాన్ని ని జంధ్యాల తిట్ల దండకం తో కడిగి పారేసిన సుఖం లేదేమో…
ఆ గీతం గీతకన్న పావనం …తల్లి ని గౌరవించిన ఒక అసలు సిసలు తెలుగోడి మనసు లోంచి పుట్టిన పారిజాతం….ఆపాతమధురం…చిరస్మరణీయం..కనుచూపులో కరుణ నిండిన ఆ తల్లి తన గోదావరి కృష్ణ స్తన్యధారలతో తన పిల్లలను పోషిస్తుంది..మురిపాలు పంచుతుంది..
ఈ గీతం ఒక్కటి చాలేమో తెలుగోడి చరిత్ర మొత్తం తెలుసుకోడానికి…అమరావతి నగర అపురూప శిల్పాలు మన చరిత్రకు వైభవానికి చిహ్నాలు..త్యాగయ్య గొంతులో తారడిన నాదాలు పక్క రాష్ట్రం లో నుండి విశ్వమంతా తెలుగు వెలుగులు పంచాయి..తిక్కన కలములోని తేట తెలుగు ధారలు అజరామరమై నిలిచాయి..రుద్రమ భుజశక్తి, మల్లమ్మ పతిభక్తి, తిమ్మరుసు ధీయుక్తి, కృష్ణరాయని కీర్తి…
మా చెవుల రింగు మని మారు మొగేదాక నీ పాటలే పాడుతాం నీ ఆటలే ఆడుతాం…
ఏమో…ఈ కాలం లో ముప్పాతిక మంది పిల్లలకు కాన్వెంట్ల దెబ్బకు తెలుగే రాని పరిస్తితి..ఇంకా తెలుగు లో పాటలు కూడానా…ఉట్టికి ఎగరలేనమ్మ చందం…మనోళ్ళకు ఆదివారం కూడా ఒక్క పూట సెలవు దొరుకుతుందో లేదో..ఆటలు కూడానా..
తెలుగు తల్లి నే తన్ని తరిమేసిన కొడుకులున్న కాలం..అన్న దమ్ముల్లా విడిపోదాం అని చెప్పే మేధావులు, సవతి తల్లులను సృష్టించే సమయం..బిడ్డలు ఆస్తి పంపకాలు చేసుకోవడం చూసాం కాని, మారు తల్లుల్ని పుట్టించడం మనోల్లకే చెల్లు….ఈ వాదం పిడివాదమో , ఇంకోటో తెలీదు కాని, దీని వాళ్ళ వాళ్ళెం సాధించారో..వాళ్ళకన్నా తెలుసో తెలీదో..
శరత్ లిఖితం 